રબરથી કેવી રીતે ભૂંસાય છે સાયન્સ ટોક
ત મે કોઈ પણ એક ચીજને બીજી ચીજ સાથે ઘસો ત્યારે
એક ચીજના બારીક કણો, બીજી ચીજના બારીક કણોને ઉપાડી
લે છે. જ્યારે તમે પેન્સિલથી લખેલાં કે દોરેલાં લખાણો કે આકૃતિઓ પર રબર ઘસો છો
ત્યારે આવી જ પ્રક્રિયા થાય છે. રબર એ રબર નામના ઝાડમાંથી બનેલું હોય છે જ્યારે
પેન્સિલ એ ગ્રેફાઈટમાંથી બનેલી છે. ગ્રેફાઈટ એ કાર્બનનો બનેલો છે, જે કાળો અને તૈલી છે. જ્યારે તમે રબરને ગ્રેફાઈટની સપાટી પર
ઘસો છો ત્યારે ગ્રેફાઈટના કણો રબર પર ચોંટી જાય છે, પરિણામે કાગળ તમને સાફ થયેલો લાગે છે અને રબર કાળું થયેલું
લાગે છે. એ જ રબરને તમે કોઈ પણ સપાટી પર ઘસશો ત્યારે ફરીથી રબર પણ ચોખ્ખું થઈ જશે.
sorce : sandesh
ફટાફટ નકલો કાઢતું ઝેરોક્ષ મશીન સાયન્સ ટોક
આ
પણે અત્યારે ડગલે ને પગલે ઝેરોક્ષ નકલો કાઢવાની જરૂર પડે છે. આપણને જોઈતા કાગળની
ઝેરોક્ષ કોપી આપણને તરત જ મળી જાય છે. જોકે, ખરેખર તો આનું નામ ઝેરોક્ષ કોપી નહીં પણ ફોટોકોપી છે. શું
ક્યારેય વિચાર્યું છે કે સેકન્ડોમાં એકની અનેક કોપીઓ આપણને આપી શકતું મશીન કામ
કેવી રીતે કરતું હશે? તો ચાલો અહીં આપણે જાણીએ કે
ફોટોકોપી મશીન કેવી રીતે કામ કરે છે.
આ
ફોટોકોપી મશીનમાં સ્થિર વીજળીનો સિદ્ધાંત કામ કરે છે. આ વીજળી નેગેટિવ અને પોઝિટિવ
ચાર્જીસથી ઉત્પન્ન થાય છે. જેમાં પોઝિટિવ ઇલેક્ટ્રિક ચાર્જીસ લોહચુંબક તરીકે કામ
કરે છે. તે કાળા પાઉડરને આકર્ષે છે, જેને ઝેરોક્ષ મશીનનું ટોનર કહેવામાં આવે છે. આ પાઉડર નવા
કાગળ પર ત્યાં જ ચોંટે છે કે જ્યાં શબ્દો લખાયેલા હોય કે ચિત્રાંકન કરેલું હોય છે
અને એ રીતે ઝેરોક્ષ કોપી નીકળે છે. બીજી રીતે કહેવું હોય તો કહી શકાય કે, ઝેરોક્ષ થતી હોય ત્યારે પ્રકાશનો તેજ લિસોટો પડતો દેખાય છે.
ખરેખર તો જેના પર પ્રકાશ રેલાય છે તે પાનાની છાપ સિલેનિયમ કોટેડ સિલેન્ડ્રીકલ ડ્રમ
પર લેન્સના માધ્યમથી ઝિલાય છે. ડ્રમમાં ખાસ પ્રકારની શાહી ભરવામાં આવે છે. આ શાહી
મેઈન કાગળ પરના અક્ષરોને નીચેના કોરા કાગળ પર ઉતારી દે છે. જેને ફોટોકોપીની
પ્રક્રિયા કહેવામાં આવે છે. પહેલાં માત્ર બ્લેક અને વ્હાઈટ જ ઝેરોક્ષ નીકળતી હતી
પણ પછી સમયાંતરે રંગીન ફોટોકોપી પણ નીકળવા લાગી. આ મશીનની શોધ કરવાનું શ્રેય જેમ્સ
વોટને આપવામાં આવે છે. વોટે ૧૭૭૯માં પ્રાથમિક તબક્કાના ફોટોકોપી મશીનની શોધ કરી
હતી. ત્યાર પછી તો ધીરે ધીરે તેમાં ફેરફારો આવતા ગયા. ૧૯૫૦માં સૌપ્રથમ વખત કલર
ફોટોકોપી નીકળે એવું મશીન વિકસાવવામાં આવ્યું હતું. અત્યારે તો આમાં ઘણાં
પરિવર્તનો સતત આવતાં રહે છે પણ મજાની વાત એ છે કે જેને આપણે ઝેરોક્ષ મશીન કહીએ છીએ
કે ઝેરોક્ષ કોપી કહીએ છીએ એ તો મશીન બનાવતી એક કંપનીનું નામ હતું. પછીથી આ જ નામ
ફોટોકોપીની ઓળખાણ બની ગયું.
sorce : sandesh
ફાઈલને Docમાંથી PDF કે PDFમાંથી Doc બનાવો
કમ્પ્યુટર નોલેજ
આ
પણને ઘણી વાર Docમાંથી PDF ફાઈલ બનાવવાની જરૂર પડતી હોય છે, એ જ રીતે વળી PDFમાંથી Doc ફાઈલ પણ બનાવવી પડે છે. જ્યારે આવી જરૂર પડે
ત્યારે સાવ સરળ રીતે તમે આ પ્રક્રિયા કરી શકો એવી એક બે સરળ પદ્ધતિઓ અહીં આપણે
શીખી લઈએ. જો તમારે અવારનવાર આવી રીતે ફાઈલને કન્વર્ટ કરવાની જરૂર જણાતી હોય તો
ઓનલાઈન ઘણાં સોફ્ટવેર ઉપલબ્ધ છે. જેને તમે ડાઉનલોડ કરીને વારંવાર ઉપયોગમાં પણ લઈ
શકો છો. તો વળી, જો ક્યારેક જ આ પ્રક્રિયા
કરવાની થતી હોય તો સોફ્ટવેર ડાઉનલોડ ન કરીને પણ ઓનલાઈન સાવ ઈઝી તમેDocમાંથી PDF કે PDFમાંથી Doc ફાઈલ બનાવી શકો છો.
* http://www.primopdf.com નામની એક વેબસાઈટ છે જેમાંથી
તમે સોફ્ટવેર ઈન્સ્ટોલ તો કરી જ શકો છો પણ ઓનલાઈન આ પ્રક્રિયા પણ કરી શકો છો.
આ
વેબસાઈટ પર જઈને તમારે માત્ર જે ફોર્મેટમાંથી ફાઈલને અન્ય ફોર્મેટમાં કન્વર્ટ કરવી
હોય તેનો વિકલ્પ પસંદ કરવાનો રહેશે. ત્યાર પછી તમારા કમ્પ્યુટરમાં જ્યાં ફાઈલ પડી
હોય ત્યાંથી તેને આ વેબસાઈટ પર પસંદ કરવાનો એક વિકલ્પ હશે જે પસંદ કરવાનો રહેશે.
* આટલું થશે એટલે વેબસાઈટ પર
તમારું ઈ-મેલ એડ્રેસ આપવાનું અને ફાઈલ કન્વર્ટના ઓપ્શન પર ક્લિક કરવાનું રહેશે.
હવે તમે તમારું ઈ-મેલ ચેક કરશો તો તેમાં કન્વર્ટ થયેલી ફાઈલનો મેલ આવી ગયો હશે. આ
બધી પ્રક્રિયામાં સાવ જ ઓછો સમય લાગશે. તમારા મેલમાં આવેલી ફાઈલ તમે ડાઉનલોડ કરીને
સાચવી પણ શકો છો.
* આ જ વેબસાઈટ પરથી જો તમે
સોફ્ટવેર ડાઉનલોડ કરી લેશો પછી કોઈ પણ ફોર્મેટની ફાઈલ કન્વર્ટ કરવી હોય તો પણ એકદમ
સરળ છે. જે તે ફાઈલને પેલા સોફ્ટવેર પર લઈને મૂકી દેશો એટલે કશી જ પ્રક્રિયા વિના
ફાઈલ કન્વર્ટ થઈ જશે.
* અન્ય એક વેબસાઈટ www.pdfonline.com પર પણ આવી જ એક સવલત ઉપલબ્ધ છે. જેમાં તમારે
માત્ર શું કન્વર્ટ કરવું છે તે ઓપ્શન સિલેક્ટ કરીને પછી કન્વર્ટની પ્રોસેસ કરવાની
રહેશે. પ્રોસેસ થઈ જાય પછી રાઈટ ક્લિક કરીને તમે તમારા ફોલ્ડરમાં તેને સેવ પણ કરી
શકો છો.
આટલી
સરળ પ્રોસેસ કરવામાં આવે તો તમારી ફાઈલ કોઈ પણ મુશ્કેલી વગર કન્વર્ટ થઈ જશે.
sorce : sandesh
